Eskaera 2023an Txorierriko beste herri bateko kiroldegia erabili duten lezamarrek aurkeztu dezakete. Baldintzei dagokienez, Lezaman erroldatuta egon behar dute eskaera egiten duten momentuan zein dirulaguntzaren xede den ekitaldian. Hala ere, interesduna Lezaman urte osoan erroldatuta egon ez bada, zati proportzionala jasoko du. Pertsona bat hainbat kiroldegitako erabiltzailea bada, dirulaguntza bakarra jaso ahalko du eta zenbateko handiena hartuko da kontuan.
Eskaerak aurkezteko eredu ofiziala udaletxean hartu ahalko da, eta harekin batera hauek aurkeztu beharko dira: eskatzailearen edo haren legezko ordezkariaren NANaren fotokopia konpultsatua; eskabidea aurkezten den egunean, Udal Ogasun, Foru Ogasun eta Gizarte Segurantzarekiko zerga-betebeharrak eguneratuta dituela azaltzen duen ardurapeko adierazpena; hirugarren alta-inprimakia (udalak emanda) behar bezala beteta, edo jada aurkeztu dela adierazten duen beren-beregiko aipamena; kiroldegiaren ordainagiria; errolda-ziurtagiria; eta familia-liburuaren fotokopia, familia-abonamenduen kasuan. Epea amaituta, akatsak jakinarazi, eta bost egun naturaleko epea emango da horiek zuzentzeko. Prozedura ebazteko eta jakinarazteko epea gehienez hiru hilabetekoa izango da. Informazio gehiago, hemen.