api 29, 12:22 Derio
Maiatzaren 10ean, 18:30etik 20:30era, euskal gazta eta ardoa dastatzeko aukera egongo da Txorierriko Baserri Antzokian, La Manducateca Bilboko gazta-dendaren eskutik. Gainera, umeentzako tailerrak ere izango dira. Sarrerek 30 euro balio dituzte eta online eskuratu daitezke hemen. Dastatzea gaztelaniaz egingo da.
api 29, 12:12 Derio
Derioko Udalak jakinarazi duenez, maiatzaren 1etik irailaren 30era bitartean zabalik egongo da gazteei etxebizitzaren alokairua ordaintzen laguntzeko dirulaguntza eskatzeko epea. Dirulaguntza 18 eta 35 urte bitarteko gazteentzat da, eta gazteen emantzipazioa erraztu eta etxebizitzen alokairua sustatzea du helburu. Dirulaguntzara 20.000 euro bideratuko dira, eta onuradun bakoitzari dagokion diru-kopurua diru-sarreraren arabera esleituko da; gehienez, alokairuaren % 50 izango da, edo 300 euro hilean.