17:30

Danbor-banda feministaren tailerra

Silvia Palumbo Argentinako kantautoreak eta aktibista feministak zuzenduta, maiatzean danbor-banda feministaren tailerra egingo da Lezaman. Guztira hiru saio izango dira: maiatzaren 7an, 21ean eta 28an. Saioak Uribarri Topalekuan egingo dira 17:30etik 20:00etara. Maila ertaineko tailerra izango da eta izena ematea berdintasuna@txorierri.eus helbide elektronikora idatzita egin daiteke, edo 688 654 649 telefono-zenbakira deituta. Lezamako Udalak, Moreak talde feministak eta Berdintasun Kontseiluak antolatutako ekintza da.

08:30

UEFA Women´s Champions Leagueko kopa ikusgarri Derion

UEFA Women´s Champions League-ren finala maiatzaren 25ean izango da San Mamesen, eta bertan FC Barcelona eta el Olympique Lyonnais norgehiagoka ibiliko dira titulua eskuratzeko. Partida baino lehen, kopa Bizkaiko 10 udalerritan ipiniko da ikusgai, “herritarrek trofeoa hurbiletik ikusteko eta argazkiak egin ditzaten”, azaldu du Bizkaiko Foru Aldundiak. Kopa Txorierrin ere ikusteko aukera egongo da, Deriora datorren eguenean, maiatzak 9, ailegatuko da eta. 

09:30

Loiu 500 trail

Loiuko Udalak 500 Trail kirol-proba antolatu du lehen aldiz, maiatzaren 12rako. Proba 12 km-ko zirkuitu batean egingo da, eta parte-hartzaileek hura korrika zein oinez egin ahalko dute. Korrikalariak 09:30ean irtengo dira, eta ibiltariak, 09:40an; lehenek bi ordu eta erdi izango dituzte zirkuitoa egiteko, eta bigarrenek, hiru ordu eta erdi. Gainera, 09:45ean, bost km-ko txiki-martxa ere egongo da familientzat.