Loreen lehiaketa antolatu da Loiun
mai 03 Loiu
Lehiaketa zazpigarren aldiz egingo da, eta, Josu Andoni Begoña Loiuko alkateak bere webgunean adierazi duenez, helburua da “udalerriaren lore-apainketa bultzatzea”. Lehiaketan parte hartu ahalko dute kalera begira leihoa, balkoia edo lorategia duten banakako etxeek, etxe elkarri atxikiek eta merkataritzako zein ostalaritzako establezimenduek. Izena ematea maiatzaren 8ra arte egin daiteke udaletxean, liburutegian edo Larrondoko frontoian.
Euskara eta 0 km-a kalitatearen adierazleak direla aldarrikatuko du KAISHOP! kanpainak
api 26 Txorierri
Maiatzaren 3tik 26ra bitartean, “KAISHOP!: Euskara + 0 km = kalitatea” kanpaina izango da Txorierrin, bertoko merkataritza eta ostalaritza eta euskara batuz. Kanpaina Txorierriko Mankomunitateak sustatu du Alkarbideren elkarlanean, eta helburu bikoitza du: alde batetik, tokiko merkataritzak eta ostalaritzak ematen duen tratu pertsonala eta gertukoa azpimarratzea; eta bestetik, euskarak tokiko merkataritzan eta ostalaritzan duen garrantzia nabarmentzea. Kanpina Gernika-Lumon eta Getxon ere ipiniko da martxan.
