“Kanpainaren helburua da Marikobaso sostengatzea. 6.500 amets ditugu betetzeko, eta, horretarako, beharrezkoa dugu diru-kopuru hori lortzea. Asmoa da diru-kopurua 2023rako lortzea”, azaldu dute. Kanpainaren harira, urteko bonuak salgai ipini dituzte 30 euroan eta 60 euroan. “Sostengatzaileek abantailak izango dituzte, esaterako, leku mugatua duten ekitaldietarako lehentasuna eta zenbait ekimenetan deskontuak”.
Bestetik, ekintzak antolatuko dituzte kanpainaren baitan. Horrela, zapatuan, urriak 15, Derioko argazki zaharren erakusketa izango da Marikobaso Espazioan, eta kopaua ere eskainiko da. Horrezaz gainera, musika egongo da. “Azaroaren 20an beste ekintza bat egingo dugu kanpaina amaitzeko. Egun horretan, 2021ean, lehen ekintza egin genuen Marikobason eta asmoa da hura 2022an berriro egitea: kontzertua eta mokaduak, bermut-formatuan”.